منوعات
أخر الأخبار

شطحة صوفيه

عن الصوفيه

في بعض الناس مش فاهمة معني الشطحة والكلمة دي دارجة كتير في الصوفية، شرح لنا الدكتور مصطفى محمود الموضوع دة في كتير من كتاباته ، عن الشطحة

بأختصار أولياء الله الصالحين بيتعاملوا مع الله ، زي أي حد بيتعامل مع الله . أنا بدعي الله وأنت والناس بتتكلموا مع الله وبتطلبوا وبتسألوه وبتدعوه بالي بتتمنوه، يبقى التعامل مع الله حاجة عادية وبديهية كمان . بس الفكرة إن أولياء الله الصالحين في الارض هما الي سمعوا كلام الله  واتبعوا كلامة وآمنوا بية حق إيمان والآية الكريمة بتقول (الذين آمنوا وعملوا الصالحات) .

من كثرة الإيمان والعمل الصالح اصبح من الصالحين ونال درجة ولايه والولايه درجات كثير ومقامات كثير ،الشطحة هي حاله بيوصل لها الولى بيفتكر فيها انة الله بذاته ،فبيقول كلام بيبقي علي اذان المستمعين  غريب ولا يصدق وبيتكفر فية الولى في بعض الاحيان .

والجميل ان الشطحة بتيجي للولى الصالح في حالة من المكاشفة او المشاهدة وممكن كمان في حالة الفتح من الله له من علوم ليست من الدنيا وعلي سبيل المثال سيدنا موسي علية السلام وسيدنا الخضر كانت شطحات سيدنا الخضر بالنسبة لسيدنا موسي غريبة جدا خرق سفينة ،قتل غلام الي اخر القصة بس الموضوع يظهر للعيان انة في منتهي الغربة والا منطقية .

بس سيدنا الخضر مشطحش لانها أوامر من الله صريحة من خلال المشاهدة والمكاشفة والفتوح.لكن بالنسبة لسيدنا موسي كانت فعلا غريبة

في مثال تاني يوضح الشطحة بمعناها الحقيقي وهي الراجل الى كان في الصحراء ومعاه الدابه بتعتة عليها متاعة وأكله و شربة وتاهت منة في الصحراء والراجل ظن انة خلاص هيموت من الجوع في قلب الصحراء فذهب لشجرة ونام تحتها ،صحي لقى الدابة رجعتله لوحدها فمن شدة الفرحة قال ” اللهم انت عبدي وانا ربك “.

اتلخبط من شدة الفرحة…الولى كمان بيعتذر بعد الشطحة لانه كان في حاله مش عارف هو مين وبيتكلم ازاي لكن بيطلع منهم احلى علوم وقصائد ممكن تتسمع … ” اللهم انت عبدي وانا ربك ” !! فكر فيها.

شريف خالد

مؤسس ماركة ادم للحضارة والتنمية منذ 2004 خريج كلية ادارة الاعمال منذ 2010 وباحث في التسويق الاستراتيجي مواليد 1986 ميلادية رائد اعمال مؤمن بالابداع والتخطيط الابتكاري عازف جيتار ولاعب اسكواش وخطاط (ديواني)
زر الذهاب إلى الأعلى