فرص و فاعليات

تلات اماكن هيساعدوك تتكلم انجليزي و تطور مهاراتك مجانا

اللى عايزين يتعلموا انجليزي نوعين اول نوع واحد مش حافظ كلمات و لا فاهم قواعد بس عاوز يتعلم اللغه عشان الشغل او الدراسه و النوع التانى كان زي النوع الاول بس طور نفسه و حفظ كلمات كتير و فهم معظم القواعد لكن بيلاقي صعوبه في التحدث باللغه كده الاتنين محتاجين حاجه واحده يتكلموا انجليزي ويطبقوا اللي بيتعلموه ده و طبعا حاجه زي كده صعب تتطبق في الحياه اليوميه و كده انسب حل هو تروح مكان فيه ناس عندها نفس هدفك و بكده هتشجعوا بعض و كمان  فيه ناس بتساعدك في تطوير النطق  حاليا فيه تلات اماكن بيتم فيهم تجمعات للمارسه اللغه  بشكل اسبوعي و يعاااالم  ممكن الاماكن دي تعرف منها اماكن تانيه و حجات تانيه بس الاكيد ان وقتك مش هيروح علي الفاضي

 1-English couples

مجموعه من الشباب  بيعلموا انجليزى  بيعملوا تجمع للناس كل جمعه بهدف انهم يشجعوهم يتكلموا انجليزي و يعلموهم ازاي يطوروا جميع مهارات اللغه و بيعملوا انشطه كتير زي اللعب و الاغاني و هدايه بهدف تعليم اللغه بطريقه ممتعه ده غير انهم بيدربوا حوالي من 15 ل 30 شخص علي تعليم اللغه

المواعيد : من 3 ل6 مساء كل جمعه

مكان التجمع :

حديقه المسله في الزمالك و ده اللوكيشن

الفيديو ده بيشرح تفاصيل اكتر عن المكان هنا

2-حديقه الحريه

شبه فكره English couples كل خميس في حديقه الحريه بيبقي فيه مجموعه من الناس اللي بتعمل تجمع للشباب عشان تشجعهم علي تحدث اللغه بتساعدهم في تطويرها   الفرق بس في المكان و المواعيد

المعاد : كل خميس 2.5

المكان : حديقه الحريه – الاوبرا و ده اللوكيشن  و دي صفحه بتنزل عليها التفاصيل اول باول هنا

3- مكتبه السفاره الامريكيه

و ده من افضل الاماكن الي ممكن تتعلم اللغة الانجليزية مجاناَ

المكان ده بيقدم خدمات كتيره ومنها
كل يوم اربعاء هناك محادثة مجانية مع الامريكان بس للاسف محتاج تعمل عضويه عشان تقدر تحضر المحادثات دي و العضوية مجانية
ازاي تقدر تعمل العضويه :
بتاخد كارت  وبتحضر 3 محاضرات في 3 ايام في خلال 90 يوم ، يعني على الاقل تحضر مرة في برنامج في الشهر ، أو ممكن تحضر ال 3 برامج ف الشهر واحد وتنجز وبعد كدة يعملوا ليك العضوية

شروط الدخول :

  • يجب ان يكون سنك لا يقل عن 18 ومعاك بطاقة سارية وتعمل لكي يمكنك الدخول الى مكتبة السفارة الامريكية التى هي داخل السفارة الامريكية

  • احضر معك فقط تليفونك ، فلوسك ، مفاتيحك بس
    لو معاك اي حاجة الكترونية اخرى مثلا باور بانك او غيره في مكتب امام السفارة ممكن تضع فيها امانات وتاخدها بعد ما تخرج من السفارة

    مواعيد العمل :

    من الاحد الى الخميس ، 10 صباحاَ الى 4 عصراَ ماعدا الاربعاء بيكون هناك English conversation club ف على الساعة 2 الي مش مسجل في المحادثة بيروح . وفي رمضان بيبقى من 10 صباحاَ الى 3 ظهراَ

    العنوان : 5 شارع توفيق دياب ، جاردن سيتي ، القاهرة و ده اللوكيشن و ده الموقع الرسمي

زر الذهاب إلى الأعلى