التجارة شطارة
أخر الأخبار

المشروع و بدايته الجزء الأول

المشروع و بدايته هي سلسلة لمعرفة الخطوات اللي محتاج تتبعها لبداية أي مشروع و النجاح فيه

في سلسلة المشروع و بدايته هنتكلم عن طريقه بدء مشروع بطريقه سهله و بسيطه

ينقسم لجزئين :

(الجزء الغير مادي)

أول حاجة في بداية أي مشروع هي الفكرة :
إما فكرة مسروقة
أو فكرة أصلية و جديدة
أو تحديث لفكرة قديمة بحيث إنها تواكب العصر .

أهم حاجة انك تكون مؤمن بفكرتك طبعاً بعد دراسه الجدوي و معرفة إن الفكرة دي إستثمار جيد لمجهودك و فلوسك .

مينفعش تبدأ في تنفيذ فكرة و أنت مش مؤمن بيها أو مش حاسس انها حلوه
– لأنك بكل بساطة لو المشروع مر بمرحلة ركود و خسائر أنت مش هتبقي حابب تكمل فيه لأنك مش مؤمن  بالفكرة  من الأساس و هتسيب المشروع من أول فشل .

بعد الإيمان بالفكرة لازم تكون حاببها

اه فيه اختلاف بين الاتنين

– اذاي بقي ؟!

لما تحب الفكرة يعني أنت بتعمل المشروع ده و أنت سعيد زي مثلا حد بيحب الرسم و تعليمه للناس  ….. ففتح ورشة لتعليم الرسم مهما فشل مشروعه هو بيعتبره استثمار في روحه و نفسيتة قبل ما يكون إستثمار مالي بالتالي سهل يعدي مرحله فشل المشروع  و ينجحه كمان .

طبعا امتلاك فكرة إذا كانت مسروقة أو اصلية أو محدثة و الإيمان بالفكرة و حبها مش كافي 

و هنا بيجي دور  الخطة اللي لازم تبقي محددة الخطوات و الاهداف و هنكمل كلام عنها بالتفصيل في المقال القادم إن شاء الله

⁦⁦⁦⚠️⁩⁩  السلسلة المقالية دي ناتجة من اجتهاد و خبرة و رأي شخصي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى