زي ما عرفنا أن التسويق مهم و أن ليه أكتر من طريقة عشان يزود احتمالية الربح منهم الطريقة الأضمن طريقة معرفة رأي الأشخاص النهارده هتكلم علي طريقة شبهها
هي معرفة حاجة السوق بتعتمد علي كذا أسلوب منهم
الطريقة الأولي بتاعت الإستطلاع اللي بتعرفنا حاجة الناس لخدمة معينة أو منتج معين
و السعر الأنسب يكون كام و كميه المكاسب اللي هتتحقق من المنتج ده
أو الخدمة دي
طريقة التانيه هو التوقع
يعني هتتوقع ايه إللي اللي ممكن يحتاجه السوق مستقبلاً
و عشان توقعك يبقي اقرب للواقع لازم تكون مجمع بيانات كافيه
تخليك تقدر تتوقع صح و تبقي نسبة الخطأ في توقعك قليلة
بمعني اصح تتوقع السوق هيحتاج أيه فعلا
بس الطريقة دي مشكلتها انها مخاطرة
يعني ممكن توقعك يطلع غلط حتي لو مجمع كل البيانات اللازمة
بس في نفس الوقت لو توقعك طلع صح
هتبقي انت أول واحد ركزت علي احتياجات السوق
بالتالي المنافسين اللي هيتبعوك هيبقو متأخرين عنك بخطوه او اكتر
عشان كده الطريقة دي تعتبر سلاح ذو حدين
فيه طريقة تالته غير دول خالص بس هي مكسبها صغير و هي
أنك بتبقي في دائرة الأمان يعني هتقدم حاجة كل الناس بتحتاجها او ديماً
لكن المشكلة هنا هيبقي عندك منافسين كتير و اقوي منك و سابقينك بكذا خطوة
بالتالي نجاحك مش هيكون قوي
و الطريقة الاصعب من كل دول هي الاكثر ربحا اعلاهم مخاطرة
هي أنك تحبب العميل في المنتج و تخليه عايزه و محتاجه
غالبا الطريقة دي بتتعمل في المنتجات الجديدة يعني المنتجات اللي أول مرة تنزل السوق و الناس معندناش معرفة بيها و لا ليها خبره معاها
الصعوبه هنا أنك تحبب الناس في المنتج ده
ده اللي هنعرفه في الجزء اللي جي
السلسلة المقالية دي ناتجة من اجتهاد و خبرة و رأي شخصي
