مقالات حرهمن فات قديمهمنوعات

مهرجان جديد لمحمد رشدي وحسن شاكوش .

الحان فيجو الدخلاوي و كلمات عبد الرحمن الابنودي .

الاغنية الشعبية هي اقرب حاجة لقلوب المصريين

في الخطوبه في الفرح حتي في الحزن والطلاق بنسمع اغاني شعبية

تعالوا نعرف ازاي الاغنية الشعبية في مصر  اتطورت من الخمسينيات اللي ان اصبح اسمها مهرجانات .

الاغنية الشعبية بدات في مصر من فترة كبيرة من دلوقتي وانتشرت مع اسماء كبيرة من اساطير المغانواتية في مصر و العرب .

زي محمد طه اللي غني (مصر جميلة ) . ياريت نخللي بالنا من المصطلح وجودة الكلمه (مصر جميله ).

ف بداية الخمسينيات الفن في مصر اصبح صناعة  مش بس كدة و تميزت مصر في الموضوع دا كمان . وبدون منافسة .

الاغنية الشعبية اللي بقت ترند لما محمد العزبي انضم لفرقة رضا وبقا المغني الرسمي ليها

ومحدش يقدر ما يعجبوش فيلم زي فيلم الكرنك و اغانيه.  كانت احلي ما في الغني يمكن احلي من اغاني عمرو دياب .

مش ببالغ الغنا اللي يحافظ علي روحك وابتسامتك . هو ده الغني لان الغني حاجة حلوة . ربنا خلق الحاجة الواحدة بجودات مختلفة .

مش هنتكلم في حرام وحلال . علشان الكلام لينا كلنا كا ناس.

نسيب الفرق الشعبية ومحمد العزبي  ونروح للاذاعة .

و الاذاعة يعني الدولة هي اللي بتنتج لمحمد برده بس المره دي

محمد رشدي .

لون جديد رؤية مختلفة اتشكلت مع مكس من مصر زي بليغ حمدي اللي لحن لام كلثوم والعبد الحليم والناس دي اه وورده كمان .

وكمان مع بليغ حمدي وهو بيلحن  شاعر مصري عربي اصيل اسمة عبد الرحمن الابنودي الله يرحمه .

وبكدة اكتمل ثلاثي قدم الاغنية الشعبية بلون حلو .

وغنوا اغنية بدايتها بتقول : ( صياد وروحت اصطاد صادوني ) .

الدنيا بدقت تلون نفسها ودخلت السبعينيات و يبدء اول لون غناء شعبي بالالوان لمدة 15 سنة مثلا.

الوان وعدوية واديني اديني اكتر وجت ناس وراحت ناس وكان هو راكب الترند .

وسر الدنيا التغيير  وتلك الايام نداولها بين الناس .

…………………………………………………………………..

التسعينيات مفترق الطرق .

والتسعينيات يعني حكيم  و اه يا واد يا حته مني .  واغاني تانية كتير مش وحشة . و اتعاون مع جوكر المزيكا في الوقت دة حميد الشاعري . اللي قدمة لشركة انتاج وعملوا اول البوم . ووصل للعالم برة كمان . ماهي لونت بقا ع الاخر .

تحت ترند حكيم كان في عبد الباسط حمودة وطارق الشيخ و حسن الاسمر .

المهم سنة 2000 جت وعلي سكان كوكب الارض  وخصوصا مصر الغالية ربط الاحزمة .

والعنب العنب العنب احمر و دمو خفيف . سعد الصغير وحاجات تانية كتير بس دة الترند في الوقت ده و اتقال ان ده اسوء لون من ساعة بدات الدنيا تلون .

………………………………………………………………………….

2011 و الفهم الخاطئ للحرية والشجاعه .

لدرجة ان ممكن تشغل اغنية حزينة في فرح وترقص عليها . والاغنية فيها ايحاء جنسي صريح وبتشجع علي العنف و دعوات للكراهية .

مانقدرش نقول جودة  الاغنية رديئة او وحشة لان في اغاني مهرجانات حلوة بس قليل جدا مش للاسف ترند.

احنا دلوقي الترند بتاعنا من اوكا واورتيجا لحمو بيكا و مجدي شطة وحسن شاكوش مش بس ترند اغاني دة ترند عقول .

متهايلي احنا محتاجين نعيد النظر في كل حاجة  .

حد فاكر اليافطة اللي في فيلم الكيف اللي كان بيقراها يحي الفخراني .

الكيف بقا ردئ اوي يا جماعة .

بس لسة في مكي وحمزة نمره وغيرهم كتير .

احنا اللي عاملين نقلد بعض وخلاص .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى