التجارة شطارة

المشروع و بدايته الجزء الرابع

المشروع و بدايته هي سلسلة لمعرفة الخطوات اللي محتاج تتبعها لبداية أي مشروع و النجاح فيه

التسويق هو أهم عملية ممكن تتعمل في بداية اي مشروع
و بدونه ممكن المشروع يفشل
لانه اللي بيدي المشتري سبب للشراء و بتوصل لباقي الناس اسم منتجك و بتحفره في دماغهم
بالتالي هيبقو مشترين محتملين و ممكن كمان يكونو السبب في انتشار منتجك بشكل أكبر و لمدة أكبر
بس كل ده احتمالات يعني ممكن تحصل و ممكن لا
عشان كده التسويق بيعتمد علي اساليب و طرق كتيرة
عشان يزود احتمال إن ناس اكتر تشتري اللي انت بتبيعه و يقلل احتمال الخساره
و من الطرق دي
معرفة الرأي بشكل عام
اذا كان عن المنتج لو انت بتصنع منتجات او مستخدم لو انت بتقدم خدمات
و هو بيتقسم لجزئين

جزء خاص

لدايره معينه من الناس اللي هو الفيد باك feedback و هو بكل بساطة عباره عن رأي العميل اللي بيتعامل معاك اذا كان في المنتج او  الخدمه او المؤسسة كلها بشكل عام

جزء عام

لكل الناس و هي الدايره الاكبر طبعا لكن مش بتكون الاكثر ربحا
و هو بيشبه الفيد باك لكن  مختلف شويه و هو الإستطلاع
دا بتاخد بيه رأي الناس كلها إذا كانو عملاء مستقبلين أو غيرهم و عن طريقه بتقدر تحدد احتياجات الناس و ممكن برضو تاخد بيه رأي عملائك من غير انهم يعرفو ان ليك علاقه بالأستطلاع و بالتالي هتاخد رأي صريح اكتر و اراء اكتر لان اغلبيه الناس بيحبو يقولو رأيهم بعيد عن الشئ اللي بيقولو رأيهم عنه و خاصة الأراء السلبية

اتلخبطو شوية صح هفهمكم بمثل بسيط

و انت بتتكلم مع اصحابك عن شركه كبيره مثلا او مؤسسة حكوميه او حتي مكان عادي مش مشهور بيقدمو خدمه او منتج بدون ذكر اسماء يعني
اصلي مش هسوق ليهم برضو
يعني انا اه بتكلم عن التسويق لكن دول مش محتاجين
( في الحقيقة هما محتاجين لان اي زياده في الانتشار  بتأثر في ارتفاع الأرباح )

المهم
بتتكلم عنهم بكل صراحه و تلقائيه و بتقول كل اللي انت كارهه و اللي أنت حابه
مع أنك ممكن تقول رأيك ده ليهم بشكل مباشر
إذا كان رأيك سلبي فده بيتصنف تبع الشكاوي و ممكن ياثر بشكل كبير في تحسين الخدمه او المنتج متنسوش برضو ان السمعه حاجه مهمه جدا زي ما قولنا قبل كده في الجزء
و لو رأيك إيجابي فده بيدي ثقه للإنتاج اكتر أو تقديم الخدمات ذي ما هي من غير ما تقل جودها

لكن فيه مفاجأة فيه منشئات مبتحتاجش رأيك ده تماما و لو قلت رائيك بتاخده و ترميه (معنويا طبعا) وهما المصنعين لمنتج او المقدمين لخدمة مفيش فيها منافسة او محتكرين يعني بمعني أصح انت مضطر تتعامل معاهم و الحلول اما ان يطلع منافسين جدد او تتعمل قوانين تمنع الاحتكار بمختلف انواعه او الناس تعمل اضراب و تبطل تشتري المنتج او تستخدم الخدمة
هنكمل عن التسويق اكتر في الجزء الجي إن شاء الله

⚠️⁩⁩  السلسلة المقالية دي ناتجة من اجتهاد و خبرة و رأي شخصي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى