حلمت وكان نفسي الحلم يتحقق، فكان عليا بالبحث والسعي لتحقيق حلمي، يعني إيه الكلام الجامد الكبير ده؟ يعني مينفعش احلم وكل يوم أقول: “يا رب حقق لي حلمي”، وأنا قاعد في البيت ما بخرجش منه، ما بدورش على أي وسيلة تحقق الحلم ده، عشان تحلم حلم لازم تبقى قده، وتعرف تحققه، وقبل ما تفكر تحلم لازم تشوف حلمك ده هيوصلك لفين، هل حلمك ده هيرفع من شأنك؟ هل هيفيدك على المستوى البعيد؟
اقرأ أيضًا: الحلم
ناس كتير ممكن تقول لي هم سموه حلم ليه؟ سموه حلم عشان صعب التحقيق، لكن إنت بإصرارك وعزمتك ممكن تحققه، يعني مثلًا طالب يحلم إن هو يدخل كلية طب فيشتغل على نفسه، بنوتة نفسها تشتغل على نفسها الحظ ما حلفهاش إن هي تكمل تعليمها فقررت إن هي تحترف مهنة معينة؛ فتشتغل فيها تبتدي بتثبت وجودها، ومن هنا هنقول إزاي نحقق حلمنا؟
اقرأ أيضًا: البحث عن الحلم الضائع
الخطوات:
- أولًا لا بد يكون حلمنا يفيدنا، ويفيد حياتنا على المدار البعيد.
- السعي ورا الحلم والبحث في جميع المجالات لتحقيق حلمك.
- الابتعاد عن اليأس والتمسك بالتفاؤل والحياة دايمًا؛ لأن الخطوة دي هتساعدك في تحقيق حلمك.
- أهم بند في تحقيق حلمك هي الصلاة وذكر الله دايمًا؛ لأن الصلاة بتقربك من ربنا، وأثناء الصلاة دايمًا قول: “يا رب حقق لي حلمي، واجعل لي كل نصيب فيه”.
وفي النهاية عزيزي القارئ، لكل مجتهد نصيب فعليك بالصبر والتحلي والاجتهاد في تحقيق حلمك، وتجنب الطاقة السلبية دايمًا، يعني أي شخص بيصدرلك طاقة سلبية ابعد عنه، وخلي نفسك مصدر طاقة إيجابية لكل اللي حواليك، خلي دايمًا حلمك يرفع من شأنك، مش يقلل منك ومن مستواك، يعني من الآخر لما تيجي تحلم احلم صح.
اقرأ أيضًا: أبحث عن حلمي !.. على جنبات هذا الطريق ستجدين نفسك وستقر عينك !
كتبت: دينا صبحي.
