مقالات حرهمن فات قديمهمنوعات

احمد زكي (الرجل الاسمر بسلامته )

ذكري وفاة الفنان احمد زكي .

مش شرط فيلم الدراما يبقا حزين

بس فيلم حياة احمد زكي كان دراما وحزين حبتين .

تقدر تقول ان حياة احمد زكي عبارة عن رحلة من التعاسة مرورا بالنجومية ثم المرض والموت .

ملامح سمرا كان شايفها هو وحشة . وعيون كانت بتتكلم اكتر من اللسان . حتي اللسان لما يتكلم بيظهر احساس بيوصل لقلوب جمهوره المصري و العربي العريض .

احمد زكي متولي عبد الرحمن بدوي

18/11/1949 م.

الزقازيق – الشرقية .

الابن الوحيد لوالديه .عاني اليتم في مراحل حياته الاولي . حيث مات ابيه . وتزوجت والدتة من رجل اخر ففقد الام والاب . ليتولي جده من الاب تربيته ورعايته منذ ذلك الوقت .

تلقي تعليمة في مدارس الزقازيق . وارتبط بالفن من خلال عروض مسارح المدرسة . و ظهرت نصايح مدرسيه ليه بانه مميز وفنان ليه مستقبل .

كان فيه عروض لمسرحيات بتنظمها مديريات التعليم في المحافظات .ظهر من خلالها الطفل احمد زكي بصورة لفتت نظر الناس و عجبتهم . ونصحوه انه يقدم في المعهد العالي للفنون المسرحية . بعد ما يخلص مرحلة الثانوي .

خد احمد زكي بالنصيحة و انضم للمعهد العالي للفنون المسرحية قسم تمثيل واخراج واتخرج منه سنة 1973 بتقدير امتياز مع مرتبة الشرف .والاول علي دفعته .

بعديها عمل اختبارات تمثيل كتير وتم اختياره في ادوار صغيرة جدا و ثانوية اشهرها دوره في مسرحية هاللو شلبي بالاشتراك مع نجوم زي سعيد صالح و عبد المنعم مدبولي .

النجم بدا يعلي لما ظهر في اعمال عظيمة زي

مدرسة المشاغبين

والعيال كبرت

اما السينما فقدم ادوار ثانوية بردو وكالعادة كان مميز . لحد ما اختارة المخرج الكبير علي بدرخان .  علشان يقوم بدور متولي .في فيلم شفيقة ومتولي .

ومن خلال الدور ده مخرجين ومنتجين كتير عجبهم احمد زكي ووثقوا فيه .

…………………………………………………………………..

فبدا العصر الذهبي  لاحمد زكي  فقدم للسينما :

ابناء الصمت .

البريء.

الراقصة والطبال .

البيضة والحجر.

النمر الاسود .

الحب فوق هضبة  الهرم.

البيه البواب.

زوجة رجل مهم .

ضد الحكومة  .

لا اكذب و لكني اتجمل.

 كابوريا.

هيستيريا.

الهروب .

واستاكوزا.

الامبراطور.

ومعالي الوزير .

وناصر 56 (سيرة ذاتية) .

ايام السادات ( سيرة ذاتية ).

واعمال تانية كتير.

…………………………………………………………………………..

ومن اهم اعماله التلفزيونية

الايام (سيرة ذاتية ).

 حكايات هو وهي .

وتوفي عام 2006 . اثناء تصوير فيلم حليم  بعد صراع شديد مع المرض .

محدش يقدر مايحبش او ينسي احمد زكي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى